काठमाडौं, जेठ १२ । काठमाडौंको बसुन्धरामा दुर्घटनामा परी एक किशोरीको मृत्यु भएको छ । काठमाडौं महानगरपालिका–३ बसुन्धरा सडकमा म प्र ०२–०३४ प ६२५७ नम्बरको स्कुटर अनियन्त्रित भई पैदलयात्रुलाई ठक्कर दिन पुगेको थियो ।
त्यसक्रममा स्कुटर चालक महोत्तरी घर भई काठमाडौँको चावहिल बस्ने १८ वर्षीया मनिसा परियारको मृत्यु भएको हो ।
दुर्घटनामा गम्भीर घाइते भएकी उनको उपचारका क्रममा ग्रिनसिटी अस्पतालमा आज निधन भएको प्रहरी प्रधान कार्यालयले जनाएको छ । दुर्घटनामा गम्भीर घाइते पैदलयात्रुको पनि सोही अस्पतालमा उपचार भइरहेको प्रहरीले जनाएको छ । – रासस
Published Date: 26 May 2025
