काठमाडौँ, चैत २६ । राष्ट्रिय प्रजातन्त्र पार्टी (राप्रपा) ले काठमाडौंको बल्खुमा प्रदर्शन र आमसभा गरेको छ। विभिन्न ठाउँबाट निकालिएको र्याली बल्खुमा पुगेर आमसभामा परिणत भएको छ।
आमसभालाई अध्यक्ष राजेन्द्र लिङ्देनसहित राप्रपाका शीर्ष नेताहरूले सम्बोधन गर्ने प्रवक्ता मोहन श्रेष्ठले जानकारी दिए। कार्यक्रम स्थलमा उनीहरू आइपुगेका छन्। अन्य आउने क्रम जारी छ।
राजसंस्था पुनर्स्थापना, संघीयता खारेजीलगायत एजेन्डासहित राप्रपाले प्रदर्शन र आमसभा गरेको हो। राष्ट्रिय प्रजातन्त्र पार्टीले आयोजना गरेको जनप्रदर्शनमा सरकारले कडा सुरक्षा प्रबन्ध गरेको छ।
हजारौं संख्यामा सशस्त्र र नेपाल प्रहरी बल्खु र आसपासका क्षेत्रमा खटिएका छन्।
Published Date: 08 April 2025
