भक्तपुर, फागुन २४ । वी किड्स स्कुलले शनिबार तेस्रो “स्कुल ओपन हाउस“ तथा “बाल नृत्य महोत्सव” कार्यक्रम आयोजना गरेको छ ।
“एक्सप्लोर, लर्न र ग्रो” को अवधारणा अनुसार सञ्चालन भइरहेको उक्त विद्यालयले गरिरहेका शैक्षिक अभ्यास, बालबालिकाहरुको सर्वाङ्गीण विकासका लागि तयार गरेको शैक्षिक वातावरणबारे जानकारी दिनका लागि आयोजित उक्त कार्यक्रममा ३०० जना भन्दा वढि आगन्तुक/अभिभावकज्यहरूले अवलोकन गर्नु भएको विद्यालयले जनाएको छ ।
साथै सो अवसरमा पुर्व प्राथमिक विद्यालय स्तरीय “बाल नृत्य महोत्सव” पनि सम्पन्न गरेको छ । यस महोत्सवले ९ वटा विद्यालयका ९३ जना बालबालिकाहरूले विभिन्न विधाका (शास्त्रीय, आधुनिक, फोक नृत्य, आदि) नृत्यमा आफ्नो प्रतिभा प्रस्तुत गरेका थिए । स्थानीय विद्यालयहरू बीच आपसी सम्वन्ध बढाउने र अनुभव आदानप्रदान तथा विद्यार्थी नानीबाबुहरूको प्रतिभा प्रस्फुटन गराउन सहयोग गर्ने उद्देश्य साथ आयोजित सो महोत्सवमा सहभागी हुने सबै विद्यालयहरूले प्रमाणपत्र, मायोको चिनो, उपहार आदिले सम्मान गरिएको थियो ।
प्रिस्कूलकी प्रिन्सिपल मन्जु दुवालले विद्यालयको शैक्षिक तथा भौतिक वातावरण, विद्यालयले गर्ने विभिन्न कार्यक्रमहरूको बारेमा जानकारी दिन, अभिभावकहरू बीच आपसी भेटघाट गराउन, सम्भावित नयाँ अभिभावक तथा विद्यार्थीहरूलाई विद्यालयको सुविधाहरूसँग परिचित गराउने र कक्षाकोठा अवलोकनसंगै समर्पित शिक्षकहरूसँग अनौपचारिक भेटघाट गराउन, आगन्तुकहरूलाई विद्यालयले प्रदान गर्ने उच्च-गुणस्तरको शिक्षा प्रत्यक्ष अनुभव गराउन र विद्यालयको सिकाई अवधारण/दृष्टिकोण वारेमा जानकारी दिने उद्देश्यले सो कार्यक्रम आयोजना गरिएको बताइन् ।
विद्यार्थीहरूले पाठ्यक्रममा समावेश भएका पाठलाई बुझ्न र बुझाउन सहज हुने शैक्षिक सामग्रीबारे विश्लेषण गरेका थिए । विद्यार्थीले गरेका प्रस्तुतिलाई ओपन हाउसमा सहभागी अभिभावक तथा सहभागीले चाखपूर्वक अवलोकन गरेका थिए । सहभागी अभिभावकले विद्यार्थीलाई स्कुलले पाठ्यपुस्तकका अलावा अन्य विषयवस्तुका बारेमा जानकारीका साथ अध्ययन गराएको पाएको बताए ।
उनीहरूले विद्यार्थीलाई आत्मनिर्भर बनाउनका लागि विभिन्न अतिरिक्त क्रियाकलापमा सहभागी गराइएकोकमा खुसी व्यक्त गरे । सहभागीले विद्यार्थीले निर्धक्कसाथ गरको प्रस्तुतिले आफूहरूको मन छोएको बताए ।
कार्यक्रममा “बाल नृत्य महोत्सव” सहित विद्यार्थीहरूले विभिन्न थिममा आधारित रहेर तयार गरेका शैक्षिक सामग्रीहरू, स्थानीय औजारहरू, स्थानीय बाजागाजाहरूको प्रदर्शनी गरेका थिए । कार्यक्रममा बालबालिकाहरुको लागि लागि विभिन्न प्रकारका रमाइला आकर्षक स्टलहरूको व्यवस्था गरेको थियो ।
बाउन्सिङ क्यासल, प्ले स्टेशन, फेस पेन्टिङ, फोटो स्टेशन, विभिन्न रमाईला खेलहरू र फुड स्टल समेत रहेको सो कार्यक्रममा अभिभावक तथा बालबालिकाहरूको लागि निःशुल्क स्वास्थ्य परिक्षणको व्यवस्था गरिएको थियो । कार्यक्रमको अन्तमा आगन्तुकहरूमध्ये लक्की ड्र मार्फत २ जना भाग्यशाली आगन्तुकलाई पुरस्कार प्रदान गरिएको थियो ।
