आशिका तामाङ थप पाँच दिन प्रहरी हिरासतमा रहने

कठमाडौं, माघ ८ । माघ २ गते स्वयम्भुबाट पक्राउ परेकी आशिका तामाङ थपपाँच दिन प्रहरी हिरासतमा रहने भएकी छिन् । तामाङलाई पशुपति क्षेत्र विकास कोषका कर्मचारी र महिला प्रहरीमाथि दुव्यवहार गरेको आरोपमा प्रहरीले हिरासतमा लिएको हो ।

तामाङको माघ ७ गते सोमवार नै पहिलोपटकको म्याद सकिएको र उनलाई सोमवारनै दोस्रोपटक म्याद थपका लागि प्रहरीले जिल्ला प्रशासन कार्यालयमा पेस गरेको थियो । माघ ७ गते नै प्रहरीलाई अदालतले आशिकालाई थप पाँच दिन हिरासतमा राखेर अनुसन्धान म्याद दिएको हो । यदि तामाङ माथि लागेको अभद्र व्यवहारको आरोप प्रमाणित भएमा आशिकाले १० हजार रुपैंया जरिवाना अथवा एक वर्ष कैद सजाय भोग्न पर्ने हुन्छ ।