भक्तपुरमा आजदेखि ‘ङालाकेगु’ जात्रा सुरू, आज सूर्यमढी टोलमा जात्रा हुने

भक्तपुर, माघ २ । नेपालको एक ऐतिहासिक एवं लामो जात्राको रूपमा परिचित नवदुर्गा भवानीको ‘ङालाकेगु’ जात्रा आज बाट भक्तपुरमा सुरू हुँदैछ।

भक्तपुर नगरपालिकाको सूर्यमढी टोलमा आज बुधबार ​ङालाकेगु’ जात्रा हुन लागेको हो। प्रत्येक वर्ष भक्तपुर नगरपालिकाका विभिन्न २१ स्थानमा प्रदर्शन हुने नवदुर्गा देवगणको ङालाकेगु जात्रा सूर्यमढीबाट सुरू हुने परम्परा छ।