भक्तपुर, पुस २६ । भक्तपुर नगरपालिकाबाट सञ्चालन हुँदै आएको एसईई तयारी परीक्षा यस वर्ष पनि पुस २५ गते विहीबारबाट सुरू भएको छ ।
शै.स.२०७९ देखि सञ्चालन भएको एसईई तयारी परीक्षा यस शैक्षिक सत्रमा भक्तपुर नगरभित्रका १४ वटा सामुदायिक विद्यालय (एक खुलासमेत) र ४४ वटा संस्थागत गरी जम्मा ५८ वटा विद्यालयका विद्यार्थीहरूले ६ वटा परीक्षा केन्द्रमा परीक्षा दिइरहेका छन् ।
यस वर्ष सामुदायिक विद्यालयबाट ४ सय ७२ जना छात्रा र ३ सय ७२ जना छात्र गरी जम्मा ८ सय ४४ जना विद्यार्थी परीक्षामा सहभागी छन् भने संस्थागत विद्यालयबाट ६ सय ८१ जना छात्रा र ८ सय ९० जना छात्र गरी जम्मा १ हजार ५ सय ७१ जना विद्यार्थी परीक्षामा सहभागी छन् । परीक्षामा दुई वटा विद्यालय ५२ जना विद्यार्थी प्राविधिकतर्फबाट सहभागी छन् ।
८ वटा विद्यालयबाट कुल २ हजार ४ सय १५ जना विद्यार्थी सहभागी भएको परीक्षा माघ ७ गतेसम्म सञ्चालन हुनेछ ।
