मुम्बई, पुस १४ । बलिउड अभिनेता अर्जुन कपूर अनलाइन ठगीको शिकार भएका छन् ।
उनले सामाजिक सञ्जालमार्फत आफ्नो नामबाट अरूले ठगी गरिरहेको बताएका छन् । उनले सामाजिक सञ्जालमा एक पोस्ट सेयर गर्दै आफ्ना फ्यानहरूलाई अनलाइन ठगीबाट सचेत रहन सल्लाह दिएका छन् ।
सामाजिक सञ्जालमा एक व्यक्ति अर्जुन कपूरको म्यानेजर बनेर मान्छेहरूलाई ठगी रहेका छन् । उनले अर्जुन कपूरलाई भेटाइदिन्छु भन्दै मान्छेहरूसँग पैसा उठाइरहेका छन् ।
‘एउटा अकाउन्टबाट मेरो म्यानेजर भन्दै थुप्रै मान्छेसँग पैसा उठाएको थाहा पाए। तर त्यो मान्छे मेरो म्यानेजर होइन । म हरेक व्यक्तिलाई अनुरोध गर्छु कि कुनै पनि लिंकमा क्लिक गरेर आफ्नो व्यक्तिगत जानकारी नदिनुहोस् । कृपया यस ठगबाट सुरक्षित र सतर्क रहनुस्। यदी तपाईलाई यस्तो म्यासेज आउँछ भने रिपोर्ट गर्नुस्,‘ उनले लेखेका छन् ।
