काठमाडौं, मंसिर १० । पछिल्लो समय देशभरको तापक्रम दिनहुँजसो घटिरहेको छ । चिसो बढेसँगै तापक्रममा गिरावट आएको हो । यता, काठमाडौं उपत्यकामा आज न्यूनतम तापक्रम यो वर्षकै कम मापन गरिएको छ ।
सोमबार (मंसिर १० गते) बिहान पौने ९ बजे काठमाडौंको न्यूनतम तापक्रम ८ डिग्री सेल्सियस मापन गरिएको मौसम पूर्वानुमान महाशाखाले जनाएको छ ।
यसअघि आइतबार (मंसिर ९ गते) बिहान पौने ९ बजे काठमाडौंको न्यूनतम तापक्रम यो वर्षकै सबैभन्दा कम ८.२ डिग्री सेल्सियस मापन गरिएको थियो ।
मौसम पूर्वानुमान महाशाखाका अनुसार आज सबैभन्दा धेरै तापक्रम जनकपुरको २९.५ डिग्री सेल्सियस र सबैभन्दा कम तापक्रम जुम्लाको माइनस ४.७ डिग्री सेल्सियस मापन गरिएको छ ।
