‘छक्का पञ्जा ५’ प्रदर्शनको तेश्रो सातामा प्रवेश, दुई सातामा आक्रमक कमाइ

काठमाडौँ, कार्तिक ९ । दिपकराज गिरी र दिपाश्री निरौला निर्मित फिल्म ‘छक्का पञ्जा ५’ प्रदर्शनको तेश्रो सातामा प्रवेश गरेको छ । यो फिल्मले दुई सातामा आक्रमक कमाइ समेत गर्न सफल भएको छ । वितरण कम्पनी ब्यांकटेस इन्टरटेनमेन्टले विहिबार १४ दिनको कलेक्सन सार्वजनिक गरेको हो ।

दीपाश्री निरौला निर्देशित फिल्म ‘छक्का पञ्जा ५’ ले सो अवधिमा १७ करोड ६० लाख ग्रस कमाइ गरेको हो । यो कूल कमाइमा काठमाडौं वरपर र मोफसलको कमाइको हिस्सा समान रहेको वितरक मनोज राठीले जनाएका छन् । उनले तेस्रो सप्ताहन्तमा १ करोड ३० लाखदेखि डेढ करोड ग्रस सम्मको व्यापार गर्न सक्ने बताएका छन् ।

फिल्ममा दिपकराज गिरी, बर्षा सिवाकोटी, केदार प्रसाद घिमिरे, प्रकाश घिमिरे लगायत अन्य कलाकारहरुको अभिनय छ । फिल्ममा पितासँगको सम्बन्ध र राष्ट्र प्रेमलाई प्रस्तुत गरिएको छ ।