मुम्बई, असार ७ । बलिउड अभिनेता अनुपम खेरको मुम्बईको वीर देसाई रोडस्थित अफिसमा चोरी भएको छ ।
चोरले अफिसका सामान चोरी गर्नुको साथै अफिस तोडफोड गरेर अटो रिक्शामा भागेका छन् । उक्त घटनाको जानकारी अनुपम खेर स्वयंले सामाजिक सञ्जालमा एउटा पोस्ट शेयर गर्दै दिएका हुन् ।
घटना दुई दिनअघि अर्थात बुधबारको । अफिसमा घुसेका चोरले अफिसमा भएको फिल्मको नेगेटिभसमेत चोरेर लगेका छन् । सामान लिएर भागेका चोर सीसीटीभीमा कैद भएका छन् । अनुपम खेरले प्रहरीलाई घटनाको बारेमा जानकारी गराएका छन् । प्रहरीले घटनाको अनुसन्धान गरिरहेको छ ।
Published Date: 21 June 2024
