शाहरुख खान तथा आमिर खान मध्य सबैभन्दा धनी को हुन् ?

मुम्बई, वैशाख १८ । बलिउडका लोकप्रिय अभिनेता मध्येका शाहरुख खान तथा आमिर खान अहिले पनि अभिनयमा उत्तिकै सक्रिय रहेका छन् । यी दुवैको मित्रताको समय–समयमा चर्चा चलिरहेको हुन्छ । तर एउटा त्यस्तो समय थियो, जब आमिर र शाहरुख एक–अर्काका कट्टर दुश्मन थिए ।

सन् १९९२ मा शाहरुखले फिल्म ‘दीवाना’ बाट दर्शकमाझ आफ्नो परिचय बनाएका थिए । त्यस्तै आमिरले भने सन् १९८८ मा ‘ कयामत से कयामत तक’ बाट बलिउडमा डेब्यू गरेका थिए । दुवै अभिनेताका लाखौँ फ्यान फलोअर्स छन् । दुबै दर्शकमाझ उत्तिकै लोकप्रिय छन् ।

यसैबीच, धेरैको मनमा शाहरुख र आमिरमध्ये कोसंग बढी सम्पति होला अथवा को बढी धनी ? भन्ने कौतुहलता जागेको पाइन्छ । फिल्म क्षेत्रमा वर्षौँ बिताएका यी दुबैै अभिनेताको सम्पत्ति करोडौं रहेको छ । शाहरुखको कुल सम्पत्ति ६३०० करोड भारतीय रुपैयाँ छ भने आमिरको कुला सम्पत्ति १८६२ करोड रुपैयाँ रहेको छ ।

उमेरको हिसाबले पनि यी दुवैमा धेरै अन्तर छैन । शाहरुख ५८ वर्ष भए भने आमिर ५९ वर्ष । यो हिसाबले शाहरुख आमिरभन्दा एक वर्षले मात्र कान्छा रहेका छन् । तर शाहरुखको सम्पत्ति आमिरको भन्दा बढी रहेको छ ।