मुम्बई, वैशाख १२ । बलिउड अभिनेता आमिर खानका बारेमा गत वर्ष एउटा खबर भाइरल भएको थियो । उनले अभिनयबाट सन्यास लिने उक्त खबरले प्रशंसकहरु निराश भएका थिए ।
अहिले आएर उक्त खबर असत्य प्रमाणित भएको छ । किनभने अब उनले जोया अख्तरसँग फिल्म बनाउने चर्चा चल्न थालेको छ । यद्यपि, यो विषयलाई पनि उनीहरुले गोप्य राख्ने प्रयास गरेका छन् ।
आमिर र जोयाले मिलेर बनाउने फिल्म मानिसको जीवनशैलीमा आधारित हुने बताइन्छ । फिल्ममा एकजना मध्यम उमेरका व्यक्तिको कथा भनिने छ ।
जोयाका धेरैजसो फिल्महरू जस्तै यो पनि हल्का ड्रामा फिल्म हुनेछ । फिल्मको कथा र कन्सेप्ट तयार भइसकेको छ । त्यसलाई पटकथाको आकार दिन मात्र बाँकी रहेको बताइन्छ ।
Published Date: 24 April 2024
