काठमाडौं, वैशाख ४ । मंगलबार नेप्से परिसूचक १४.८१ विन्दुले घटेर १९९१.७१ अंकमा अडिएको छ । नेप्से सूचकका साथै कारोबार रकम पनि घटेर २ अर्ब १० करोड रुपैयाँमा खुम्चिएको छ ।
आज ३१२ कम्पनीको ५४ लाख ७१ हजारभन्दा बढी कित्ता सेयर कारोबार भएको छ । १७ करोड ५९ लाख रुपैयाँसहित कारोबार रकममा गोर्खाज फाइनान्स अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः सूर्यज्योति लाइफ इन्सुरेन्स र पोखरा फाइनान्स रहेका छन् ।
