काठमाडौँ, पुस २७ । रिलायन्स इन्डस्ट्रिजका अध्यक्ष मुकेश अम्बानी पुनः भारतका सर्वाधिक धनाढ्य व्यक्ति बनेका छन् । अम्बानीको कुल सम्पत्ति २.८ बिलियन डलरले बढेर १०१.८ बिलियन डलर पुगेको छ। अम्बानी २०२२काे जूनपछि पहिलो पटक १०० बिलियन डलरको क्लबमा समावेश भएका छन्।
रिलायन्स इन्डस्ट्रिजमा अम्बानीको ४२ प्रतिशत शेयर छ। एक साताअघि अडानी समूहका अध्यक्ष गौतम अडानीले अम्बानीलाई उछिन्दै नेटवर्थको हिसाबले सबैभन्दा धनी व्यक्ति बनेका थिए । तर अहिले भने मुकेश अम्बानी १०२ बिलियन डलरकाे सम्पत्तिसहित ब्लूमबर्ग अर्बपतिहरूको सूचीमा १२ औं स्थानमा रहकेा छन्। अडानी भने ९६.२ बिलियन डलरका साथ १४ औं स्थानमा छन् ।
Published Date: 12 January 2024
