काठमाडौं, पुस २० । काठमाडौं उपत्यकामा आज न्यूनतम तापक्रम यो वर्षकै कम मापन गरिएको छ । शुक्रबार (पुस २० गते) बिहान पौने ९ बजे काठमाडौंको न्यूनतम तापक्रम ३.५ डिग्री सेल्सियस मापन गरिएको मौसम पूर्वानुमान महाशाखाले जनाएको छ ।
यसअघि पुस ३ गते गते बिहान पौने ९ बजे काठमाडौंको न्यूनतम तापक्रम यो वर्षकै सबैभन्दा कम ४.५ डिग्री सेल्सियस मापन गरिएको थियो । मौसम पूर्वानुमान महाशाखाका अनुसार आज सबैभन्दा धेरै तापक्रम जनकपुरको २७.२ डिग्री सेल्सियस र सबैभन्दा कम तापक्रम जुम्लाको माइनस ६.६ डिग्री सेल्सियस मापन गरिएको छ ।
