काठमाडौं, पुस १८ । सुनको भाउ प्रतितोला २०० रुपैयाँले घटेको छ ।
नेपाल सुन–चाँदी व्यवसायी महासंघका अनुसार बुधबार छापावाल सुन प्रतितोला २०० रुपैयाँले घटेर १ लाख २० हजार ८०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख २० हजार २०० रुपैयाँ निर्धारण भएको छ ।
यसअघि, मंगलबार छापावाल सुन १ लाख २१ हजार रुपैयाँ कायम रहेको थियो । यसैगरी, तेजावी सुनको भाउ तोलाको १ लाख २० हजार ४०० रुपैयाँ निर्धारण भएको थियो । यता, बुधबार चाँदीको भाउ पनि प्रतितोला १० रुपैयाँले घटेर १४ सय ५० रुपैयाँ कायम भएको छ ।
मंगलबार चाँदीको भाउ प्रतितोला १४ सय ६० रुपैयाँ कायम रहेको थियो ।
