काठमाडौं, पुस १७ । मंगलबार सुन र चाँदीको मूल्य बढेको छ । आज सुन प्रतितोला ५०० रुपैयाँले बढेको हो । नेपाल सुनचाँदी व्यवसायी महासँघका अनुसार छापावाला सुन प्रतितोला १ लाख २१ हजार रुपैयाँ र तेजावी सुन प्रतितोला १ लाख २० हजार ४०० रुपैयाँमा खरिद बिक्री भइरहेको छ ।
सोमबार सुन प्रतितोला १ लाख २० हजार ५०० रुपैयाँ र तेजाबी सुनको मूल्य १ लाख १९ हजार ९०० रुपैयाँमा कारोबार भएको थियो ।
यस्तै चाँदीको मूल्य पनि तोलामा ५ रुपैयाँले बढेको छ । यस दिन चाँदी प्रतितोला एक हजार ४६० रुपैयाँमा खरिद बिक्री भएको छ । सोमबार १ हजार ४५५ रुपैयाँ कायम भएको थियो ।
