काठमाडौं, मंसिर १७ । सुनको मूल्यले नेपाली बजारमा पुनः नयाँ ऐतिहासिक रेकर्ड बनाएको छ ।
नेपाल सुन–चाँदी व्यवसायी महासंघका अनुसार आइतबार छापावाल सुन प्रतितोला १८ सय रुपैयाँले बढेर १ लाख २० हजार ८०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख २० हजार २०० रुपैयाँ निर्धारण भएको छ ।
यसअघि मंसिर १३ गते छापावाल सुन हालसम्मकै उच्च तोलाको १ लाख १९ हजार ३०० रुपैयाँमा कारोबार भएको थियो । यसैगरी, तेजावी सुनको भाउ तोलाको १ लाख १८ हजार ७५० रुपैयाँ निर्धारण भएको थियो ।
यता, आज चाँदीको भाउ पनि तोलामा ५ रुपैयाँले बढेर १५ सय ४५ रुपैयाँ कायम भएको छ । शुक्रबार चाँदीको भाउ प्रतितोला १५ सय ४० रुपैयाँ कायम रहेको थियो ।
रुस–युक्रेन तथा इजरायल–हमासबीचको द्वन्दको प्रभावका कारण विश्वभरका लगानीकर्ताहरु सुरक्षित लगानीको खोजीमा सुनतर्फ आकर्षित हुँदा अन्तराष्ट्रिय बजारमै सुनको मूल्यमा वृद्धि भएको विश्लेषकहरुले बताएका छन् ।
Published Date: 03 December 2023
