काठमाडौँ, कार्तिक १ । बुधबार नेप्से परिसूचक २.३२ प्रतिशत अर्थात ४३.२७ अंक बढेर १९०७.८९ विन्दुमा पुगेको छ। त्यसैगरी, आज सेन्सेटिभ इण्डेक्स २.२७ प्रतिशत बढेको छ भने फ्लोट इण्डेक्स २.४३ प्रतिशत र सेन्सेटिभ फ्लोट इण्डेक्स २.४९ प्रतिशत बढेको छ।
कारोबार रकमका आधारमा आज सानिमा जिआईसी इन्स्योरेन्स शीर्ष स्थानमा रहेको छ। इन्स्योरेन्सको आज करिब साढे ४ करोडको शेयर कारोबार भएको छ। त्यस्तै, आज कुमारी बैंकको ३ करोडभन्दा बढीको संस्थापक शेयर कारोबार भएका छ।
आज १३ वटै उपसमूहको परिसूचक बढेको छ। जसमध्ये बैंकिङ्ग, विकास बैंक, होटल तथा पर्यटन, जलविद्युत, लगानी, जीवन बीमा, लघुवित्त र निर्जीवन बीमा उपसमूहको परिसूचक २ प्रतिशतभन्दा बढी बढेको छ। त्यस्तै, आज वित्त, उत्पादन तथा प्रशोधन, अन्य र व्यापार उपसमूहको परिसूचक १ प्रतिशतभन्दा बढी बढेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
