काठमाडौं, असोज १६ । मेरो सेयर प्रयोगकर्ताको संख्या ५० लाख नाघेको छ ।
सीडीएस एन्ड क्लियरिङ लिमिटेडका अनुसार आज मंगलबार (असोज १६ गते) सम्म ५० लाख ९९६ जना मेरो सेयर प्रयोगकर्ता रहेका छन् । त्यसैगरी, डिम्याट खाताको संख्या भने ५९ लाख ४१ हजार १२८ पुगेको छ ।
पछिल्लो समय आइपीओ भर्ने लगानीकर्ताको संख्या पनि बढ्दै गएको छ । त्यसैले डिम्याट र मेरो सेयर खाता खोल्नेको संख्या पनि बढेको हो । आइपीओमा आवेदन दिन, हकप्रद सेयर भर्न र इडीआइएस गर्न मेरो सेयरबाट सजिलो हुने हुँदा यसको प्रयोगकर्ताहरु बढेका हुन् ।
अनलाइनबाट सबै कारोबार गर्न मिल्ने हुँदा प्राथमिक वा दोस्रो बजारका लगानीकर्तालाई मेरो सेयर अकाउन्ट अनिवार्य जस्तै भएको छ । यता, एक जनाले २ वटासम्म डिम्याट खाता खोल्न गर्न पाउने व्यवस्था रहेको छ ।
त्यसैले कतिपय लगानीकर्ताको २ वटासम्म खाता छ । सीडीएसका अनुसार हाल ९८ संस्थाहरुले डिपी सेवा प्रदान गर्दै आइरहेका छन । अहिलेसम्म ११ अर्ब ३५ करोड १० लाख भन्दा बढी कित्ता सेयर डिम्याट भइसकेको छ ।
७६ वटा कम्पनी क्लियरिङ सदस्य रहेका छन् । सि-आस्वा सेवा उपलब्ध गराउने बैंक तथा वित्तीय संस्थाहरु ४३ पुगेका छन् ।
Published Date: 03 October 2023
