सुदूरपश्चिम प्रदेशको मुख्यमन्त्रीमा राजेन्द्रसिंह रावल नियुक्त

धनगढी, पुस २७ । सुदूरपश्चिम प्रदेशको मुख्यमन्त्रीमा नेकपा (एमाले) का राजेन्द्रसिंह रावल नियुक्त भएका छन्। सत्ता साझेदार गठबन्धन दल नेकपा (माओवादी केन्द्र), नागरिक उन्मुक्ति पार्टी र राप्रपाको समर्थनमा उनि मुख्यमन्त्री बनेका हुन् ।

प्रदेश सभामा एमालेबाट १०, नेकपा (माओवादी केन्द्र) बाट ११, नागरिक उन्मुक्ति पार्टीबाट ७ र राप्रपाबाट १ जनाको प्रतिनिधित्व रहेको छ । मुख्यमन्त्री नियुक्त भएपछि रावलले केही दिनभित्रै सरकारको न्यूनतम साझा कार्यक्रम सार्वजनिक गर्ने बताए।