आज राति देशभर आंशिकदेखि मध्यम वर्षा हुने

काठमाडौं, असोज ८ । आज कोशी, गण्डकी र वाग्मती प्रदेशका केही स्थानमा वर्षाको सम्भावना रहेको छ ।

जल तथा मौसम विज्ञान विभाग अन्तर्गतको जल तथा मौसम पूर्वानुमान महाशाखाका अनुसार हाल मनसुनको न्यून चापीय क्षेत्र नेपाल–भारत सीमा नजिक तराई क्षेत्रको पश्चिमी भू–भाग वरिपरि रहेको र पूर्वी भू–भागभन्दा उच्च स्थानमा रहेको छ ।

भारतको दक्षिणपूर्वी उत्तर प्रदेश आसपासको न्यून चापीय क्षेत्रले पनि नेपालको मौसममा असर गरिरहेको छ । महाशाखाका अनुसार गण्डकी प्रदेशका थोरै स्थानमा र बाँकी प्रदेशका एक–दुई स्थानमा हल्का वर्षा भइरहेको छ ।

आज दिउँसो देशभर आंशिकदेखि सामान्य वर्षा हुने मौसम पूर्वानुमान महाशाखाले जनाएको छ । कोशी, गण्डकी र वाग्मती प्रदेशका थोरै स्थानमा र बाँकी प्रदेशका एक–दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ ।

आज राति पनि देशभर आंशिकदेखि मध्यम वर्षा हुनेछ। कोशी, वाग्मती र मधेस प्रदेशका थोरै स्थानहरुमा र बाँकी प्रदेशका एक–दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ ।

मौसममा परिवर्तन आउने र वर्षाको सम्भावना रहेकाले सम्भावित जोखिमबाट बच्न पनिसबैलाई अनुरोध गरेको छ ।