भक्तपुर, भदौ ३ । सम्पदा संरक्षणका लागी फोटोग्राफी भन्ने मूल नारा लिई भक्तपुर एवं नेपालका विविध संस्कृति तथा ऐतिहाँसिक सम्पदाहरु देश र विदेशमा समेत प्रचार प्रसार गर्दै आइरहेको किपाःग्राफी भक्तपुरले १८४ औं विश्व फोटोग्राफी दिवस भक्तपुरको ऐतिहाँसिक दरवार परिसरमा Street of Bhaktapur विषयमा Photo contest in Photowalk को आयोजना गरि मनाईयो । उक्त Photo contest in Photowalk का प्रमुख अतिथी वरिष्ठ फोटोग्राफर एवं मिडियाकर्मी केदार बनेपाली ज्यूले क्यामेराको वटन थिची शुभारम्भ गरेका थिए।
कार्यक्रमका संयोजक किरण धुकुछुको स्वागत मन्तब्यबाट शुरु भएको कार्यक्रममा संस्थाका सल्लाहकार बलराम प्रजापतिले विश्व फोटोग्राफी दिवसको शुभकामना दिदै किपाःग्राफी भक्तपुरका गतिविधि बारे चर्चा गरेका थिए। संस्थाका सचिव जयराम प्रजापतिले विश्व फोटोग्राफी विकासक्रम बारे जानकारी गराएका थिए ।
कार्यक्रमको सभापतित्व संस्थाका अध्यक्ष पद्म सुन्दर शाक्यले फोटो प्रतियोगीतामा सहभागी फोटोग्राफरहरुलाई सफलताको शुभकामना दिँदै कार्यक्रम सम्पन्न गरिएको थियो ।
