काठमाडौं, साउन ३१ । अर्थमन्त्री डा. प्रकाशशरण महतले युवाले यहाँ नै अवसर खोज्न थाले भने विदेशभन्दा राम्रो भविष्य रहेको बताएको छ । उनले नेपाल विकास क्रममै रहेकाले धेरै काम गर्न बाँकी रहेको समेत बताएका छन् । राष्ट्र निर्माण मञ्च नेपालले आयोजना गरेको ‘उद्दमशील युवा सृजनशील युवा’ बिषयक अन्तकृयामा बोल्दै मन्त्री डा. महतले यस्तो बताएका हुन्।
उनले कार्यक्रममा भने , ‘यहाँ धेरै अवसर छन्, यो अवसर हेर्ने सुष्म आँखा चाहियो ।’ विदेश जाने बित्तिकै सबै कुरा प्राप्त हुन्छ भन्ने मानसिकताबाट नेपाली युवाहरु मुक्त हुनुपर्छ । यहाँ अवसर अथाह छ, त्यसको उपयोग गर्नुपर्छ, त्यसको खोजीमा आजका हाम्रा युवा लाग्न अर्थमन्त्रीले जोड दिए ।