काठमाडौं, साउन २४ । नेपाल प्रहरीले अनलाइन यौन दुर्व्यवहारमा संलग्न भएको आरोपमा दुई जनालाई पक्राउ गरेको छ ।
फेसबुक अकाउन्टबाट फ्रेन्ड रिक्वेस्ट पठाएर सामाजिक सञ्जालका साथीहरूलाई अनलाइन अडियो र भिडियो कलमार्फत यौन दुर्व्यवहार गरेको आरोपमा सिन्धुपाल्चोकको इन्द्रावती नगरपालिकाका समीर तामाङ र सुरेश तामाङलाई नेपाल प्रहरीको केन्द्रीय अनुसन्धान ब्युरो (सिआइबी)ले पक्राउ गरेको छ ।
पीडित युवतीलाई फेसबुकमा साथी बनाएर भिडियो कलमार्फत मानसिक तनाव दिने र अश्लिल तस्बिर हालेर पीडितको तस्बिर सामाजिक सञ्जालमा सार्वजनिक गरेको आरोपमा पक्राउ गरिएको सिआइबीका प्रवक्ता एसपी पशुपति कुमार राईले बताए ।
उनीहरु दुवैलाई जिल्ला अदालत काठमाडौंबाट ५ दिनको म्याद थप गरी थप अनुसन्धान भइरहेको उनले बताए । उनीहरुलाई विद्युतीय कारोबार ऐन, २०६३ अन्तर्गत प्रहरीले कारबाही अघि बढाएको छ ।
Published Date: 09 August 2023
