भक्तपुर, साउन २१ । भक्तपुर नगरपालिका वडा नं २ स्वास्थ्य उपसमितिको आयोजनामा स्थानीय वडाका गर्भवटी महिलाहरु र सुत्केरी महिलाहरुको सहभागितामा विश्व स्तनपान सप्ताह २०८० कार्यक्रम सम्पन्न भयो ।
स्तनपान मैत्री कार्यस्थलको सुनिश्चितता सबै सरोकारवालाहरुको प्रतिवद्धता भन्ने नाराका साथ अगस्त १ देखी ७ सम्म मनाइने छ । भक्तपुर नगरपालिकाले नगरपालिकाका सबै वडाका महिलाहरुलाई स्तनपान सम्बन्धी जनचेतना जगाउने अभियानका रुपमा संचालन गरिरहेको जनाएको छ ।
कार्यक्रममा स्वास्थय उपसमितिका संयोजक मन्जु लाखाजुले स्तनपान बच्चाको लागि अमृत समान हो , स्वास्थ रहन बालबालिकाहरुका लागि आमाको दुध नै सबैभन्दा महत्वपूर्ण हुने बताए । उनले विगतको स्तनपान विधि, तरिका र शैलीमा अहिले फरक भएको बताउदैँ पछिल्लो समयमा अप्राकृतिक रुपमा शिशुलाई दुध खुवाउने चलन बढ्दै गएको र त्यसलाई न्यूनीकरण गर्न हरेक स्थानिय तहमा जनचेताना मुलक कार्यक्रम गर्नु पर्नेमा जोड दिए ।
उनले अहिले नेपाल सरकारले शिशुको स्तनपानका लगि सबै सरकारी देखि सार्वजनिक स्थलमा स्तनपान निति ल्याएको तर व्यवहारमा लागु गर्न नसकेको कुरा बताए ।
कार्यक्रममा स्तनपान शिशुको लागि अमृत समान भन्ने भाव अनुसार स्तनपान सम्बन्धी प्रस्तुती दिएको थियो । साथै वडा नर्स रजनी जरेजुले सहभागीहरुको जिज्ञासाहरु समेत प्रकाश पारेको थियो ।
