इलाम, साउन १८ । जिल्ला प्रशासन कार्यालय इलामले आजदेखि राष्ट्रिय परिचयपत्र वितरण सुरु गरेको छ । पहिलो चरणमा ५ सय जनालाई कार्ड वितरण गरिने छ ।
कार्यालयले पहिलो चरणमा परिचयपत्र पाउने व्यक्तिको नाम सार्वजनिक गरेको प्रमुख जिल्ला अधिकारी श्रवणकुमार पोखरेलले जानकारी दिए । ‘सम्बन्धित व्यक्ति परिचयपत्र लिन आउनुपर्छ,’ उनले भने । उनले परिचयपत्र भएका व्यक्तिको मोबाइलमा एसएमएस पनि आएको बताए ।
कार्यालयले १७ हजार ७९ जनाको परिचयपत्र प्राप्त गरेको प्रशासनले जनाएको छ ।