काठमाडौं, साउन ४ । सुनको भाउले बिहीबार नयाँ रेकर्ड कायम गरेको छ ।
नेपाल सुन–चाँदी व्यवसायी महासंघका अनुसार बिहीबार छापावाल सुन प्रतितोला ५०० रुपैयाँले बढेर १ लाख १३ हजार ६०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख १३ हजार ५० रुपैयाँ निर्धारण भएको छ । यो हालसम्मकै उच्च मूल्य हो ।
यसअघि सुनको मूल्य गत जेठ १३ गते अहिलेसम्मकै उच्च १ लाख १३ हजार ३०० रुपैयाँ कायम भएको थियो । यसअघि, बुधबार छापावाल सुन तोलाको १ लाख १० हजार ६०० रुपैयाँमा कारोबार भएको थियो ।
यसैगरी, तेजावी सुनको भाउ तोलाको १ लाख १३ हजार १०० रुपैयाँ निर्धारण भएको थियो । बिहीबार चाँदीको भाउले पनि नयाँ रेकर्ड कायम गरेको छ । नेपाल सुन–चाँदी व्यवसायी महासंघका अनुसार बिहीबार चाँदी प्रतितोला ५ रुपैयाँले बढेर १४ सय ९५ रुपैयाँ कायम भएको छ । यो हालसम्मकै उच्च मूल्य हो । बुधबार चाँदीको भाउ १४ सय ९० रुपैयाँ कायम रहेको थियो ।
