काठमाडौं, असार २४ । सुनको भाउ लगातार बढ्दो क्रममा देखिएको छ। गत शुक्रबार सामान्य घटेको भएपनि आइतबार सुनको भाउ पुनः उकालो लागेको हो। आइतबार पनि तोलामा ७०० रुपैयाँले बढेको छ।
आइतबार छापावाला सुन प्रतितोला १ लाख ११ हजार ३०० रुपैयाँ र तेजाबी सुनको भाउ प्रतितोला १ लाख १० हजार ७५० रुपैयाँ कायम भएको छ।
शुक्रबार छापावाला सुन प्रतितोला १ लाख १० हजार ६०० रुपैयाँमा कारोबार भएको थियो।
यसैगरी आइतबार चाँदीको भाउ पनि बढेको छ। चाँदीको भाउ तोलामा २० रुपैयाँले बढेर प्रतितोला १ हजार २९५ रुपैयाँमा खरिदबिक्री भइरहेको महासँघले जनाएको छ।
