काठमाडौँ, असार ८ । नेशनल माइक्रोफाइनान्स लघुवित्त वित्तीय संस्था र समीट लघुवित्त वित्तीय संस्था लिमिटेडबीच मर्जर सम्बन्धी अन्तिम सम्झौता भएको छ । असार ६ गते दुबै लघुवित्तबीच मर्जर सम्बन्धी अन्तिम सम्झौतापत्रमा हस्ताक्षर भएको हो ।
दुबै लघुवित्तको संयुक्त बैठकले शेयर आदान प्रदान अनुपात १ः०.७३ अर्थात नेशनलको १०० कित्ता शेयर बराबरको समीट लघुवित्तको ७३ कायम गरेको हो ।
मर्जर सम्बन्धी प्रारम्भिक सम्झौताको तुलनामा डिडिए पश्चात स्वाप रेशियो घटेको हाे । प्रारम्भिक सम्झौता अनुसार १ः०.८२ स्वाप रेशियोमा कायम रहेको थियो ।
दुई लघुवित्तबीच असोज २६ गते एक आपसमा मर्जरमा जाने प्रारम्भिक सम्झौता भएको थियो भने राष्ट्र बैंकले मर्जरमा जान पुस ७ गते सैद्धान्तिक सहमति प्रदान गरेको थियो ।
दुबै लघुवित्तको असार ३ गतेसम्म विषेश साधारण सभाले मर्जर सम्बन्धी प्रस्तावलाई पारित गरेको थियो ।
