काठमाडौं, जेठ ३२ । बिहिबार सुनको मूल्य तोलामा ८०० रुपैयाँले घटेको छ ।
नेपाल सुन–चाँदी व्यवसायी महासंघका अनुसार बिहीबार छापावाल सुन प्रतितोला ८०० रुपैयाँले घटेर १ लाख ११ हजार रुपैयाँ कायम भएको छ ।
यसैगरी, तेजावी सुनको मूल्य तोलाको १ लाख १० हजार ४५० रुपैयाँ निर्धारण भएको छ । यसअघि बुधबार सुनको मूल्य १ लाख ११ हजार ८०० रुपैयाँ कायम भएको थियो । यसैगरी, तेजावी सुनको भाउ तोलाको १ लाख ११ हजार २५० रुपैयाँ निर्धारण भएको थियो ।
बिहीबार चाँदीको भाउ पनि तोलामा २० रुपैयाँले घटेर १४ सय ५ रुपैयाँ कायम भएको छ । बुधबार चाँदीको भाउ तोलाको १४ सय २५ रुपैयाँ कायम रहेको थियो ।
Published Date: 15 June 2023
