काठमाडौँ, जेठ २० । सबै प्रकारका काेल्ड ड्रिंक्स र बाेतलमा भएका जुस लगायतका पेय पदार्थकाे मूल्य बढ्ने भएकाे छ । सरकारले सबै प्रकारका जुस र चिसाे पेय पदार्थकाे अन्तःशुल्क वृद्धि गरेकाे छ ।
हल्का चिसो पेय पदार्थमा प्रतिलिटर २५ रुपैयाँले अन्तःशुल्क लाग्ने भएकाे छ । यसअघि अन्तःशुल्क लाग्ने गरेकाे थिएन । यसैगरी, फलफूलको जुसको अन्तःशुल्क १३ रुपैयाँ लगाइने भएको छ । यसअघि प्रतिलिटर ११ रुपैयाँ रहेको जुसमा २ रुपैयाँले बढाइएकाे हाे।
अब कोक, फेन्टा, स्प्राइट, ड्यु, पेप्सी लगायतका चिसो पेय पदार्थ र आँप, स्याउ, अम्बा, अनार, अंगुर, भुइँकटहर, पमेलो, क्रयानबेरी सहितका फलफूल रसयुक्त जुस महँगो हुने भएकाे छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
