वीरगन्ज, जेठ ५ । मधेस प्रदेशको एक मात्र महानगरपालिका वीरगन्ज महानगरपालिकाले चालु आर्थिक वर्षको पहिलो १० महिनामा २६ विभिन्न शीर्षकमा ३६ करोड रुपैयाँ राजश्व संकलन गरेको छ ।
महानगरपालिका राजस्व शाखाका प्रमुख मनोजकुमार कर्णले सम्पत्ति करबाट १४ करोड, घरभाडा कर ५ करोड र व्यवसाय दर्ता शुल्कबाट २ करोड २० लाख असुली भएको जानकारी दिए ।
त्यसैगरी सरकारी सम्पत्ति करबाट २ करोड ७० लाख र अन्य सेवा शुल्कबाट २ करोड रुपैयाँ असुली भएको छ ।
गत वर्ष सोही शीर्षकमा ४७ करोड रुपैयाँ शुल्क उठेको भए पनि यस वर्ष घर दर्ता शीर्षकमा राजस्व २० करोड पुग्न नसक्ने अवस्था रहेको कर्णले बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
