काठमाडौं, जेठ ५ । सुनको भाउ आज तोलामा ५ सय रुपैयाँले घटेको छ ।
नेपाल सुन–चाँदी व्यवसायी महासंघका अनुसार शुक्रबार छापावाल सुन प्रतितोला ५ सय रुपैयाँले घटेर १ लाख ९ हजार २ सय रुपैयाँमा कारोबार भइरहेको छ ।
यसैगरी, तेजावी सुनको मूल्य तोलाको १ लाख ८ हजार ७०० रुपैयाँ निर्धारण भएको छ । यसअघि बिहीबार छापावाल सुनको भाउ प्रतितोला १ लाख ९ हजार ७०० रुपैयाँ कायम भएको थियो । यस्तै, तेजावी सुनको भाउ १ लाख ९ हजार २०० रुपैयाँ निर्धारण भएको थियो ।
शुक्रबार चाँदीको भाउ भने स्थिर रहेको छ । शुक्रबार चाँदीको भाउ प्रतितोला १३ सय ७० रुपैयाँ कायम रहेको छ ।
Published Date: 19 May 2023
