काठमाडौँ, जेठ ५ । अर्थतन्त्रमा निजी क्षेत्रको योगदान ८१ प्रतिशत रहेको छ। नेपाल उद्योग वाणिज्य महासंघ र अन्तर्राष्ट्रिय वित्त निगम (आईएफसी) को सहकार्यमा गरिएको एक अध्ययनबाट अर्थतन्त्रमा निजी क्षेत्रको हिस्सा ८१ प्रतिशत रहेको नेपाल उद्योग वाणिज्य महासंघले जनाएको हो ।
महासंघका अध्यक्ष चन्द्र ढकालले २०४८ सालको उदारीकरणपछि अर्थतन्त्रको आकार र निजी क्षेत्रको विस्तार निक्कै उत्साहजनक भएको बताए । उद्योग प्रतिष्ठानको संख्या यस अवधिमा २८ हजारबाट ९ लाख नाघेको छ।
अर्थतन्त्रको यो तीब्र विस्तारको मुख्य आधार निजी क्षेत्र रहेको ढकालको भनाई छ । त्यस्तै नेपालमा उपलब्ध रोजगारीमा ८५.६ प्रतिशत निजी क्षेत्रबाट प्रदान हुने गरेको समेत अध्ययनले देखाएको छ ।