काठमाडौं, वैशाख २२ । अन्तिम समयमा पेनाल्टीमा गोल खाएपछि म्यानचेस्टर युनाइटेडले इंग्लिस प्रिमियर लिगमा ब्राइटन होव अल्वियोनसँग हार बेहोरेको छ ।
युनाइटेड घरेलु टोली ब्राइटनसँग १–० ले पराजित भएको हो । ब्राइटनको जितमा इन्ज्युरी समयको थप गरिएको अन्तिम समयमा अर्जेन्टिनी मिडफिल्डर एलेक्सिस म्या एलिस्टरले गरेको गाृल नै निर्णायक बन्यो ।
दि अमेरिकन एक्सप्रेस कम्युनिटी स्टेडियम फाल्मेरमा बिहीबार राति भएको खेलमा घरेलु टोली ब्राइटनले पाहुना टोलीमाथि दवाव राखेपनि गोलको लागि अन्तिम समयमा पेनाल्टीको साहरा लिनुपरेको थियो ।
पेनाल्टी बक्समा लुका साले ह्यान्ड गर्न पुगेपछि रेफ्रीले भिएआरको सहायतता लिदै ब्राइटनलाई पेनाल्टी प्रदान गर्दा एलिस्टर चुकेनन् ।
यस जितसँगै ब्राइटनले अर्काे सिजनमा युरोपियन फुटबल खेल्ने सम्भावना कायमै राखेको छ । ब्राइटन ३२ खेलबाट ५५ अंक जोडेर छैटौं स्थानमा रहेको छ । पराजित युनाइटेड ३३ खेलबाट ६३ अंक जोडेर चौथो स्थानमा छ ।
