काठमाडौं, वैशाख १३ । गण्डकी प्रदेशमा सत्तारुढ नेपाली कांग्रेस र नेकपा (माओवादी केन्द्र) मिलेर नयाँ सरकार बन्ने भएको छ ।
गण्डकी प्रदेशका प्रमुख पृथ्वीमान गुरुङले संविधानको धारा १६८ को उपधारा २ बमोजिम दुई दिनभित्र बहुमतीय सरकार बनाउन दलहरुलाई मंगलबार आह्वान गरेका छन् । उपधारा २ मा दुई वा दुईभन्दा बढी दलले सरकार बनाउन सक्ने व्यवस्था छ । यसअघि नेकपा एमालेको नेतृत्वमा सरकार बनेको थियो ।
नेकपा (माओवादी केन्द्र)को समर्थनमा एमाले गण्डकी प्रदेशसभा संसदीय दल (पीपी) खगराज अधिकारीले माघ ९ गते गठन गरेका थिए ।माओवादी केन्द्रले समर्थन फिर्ता लिएपछि अल्पमतमा रहेका मुख्यमन्त्री अधिकारीले मत प्रस्ताव गरेका थिए । शनिबारको प्रदेशसभामा विश्वास सभाले विश्वासको मत नदिएपछि प्रदेश प्रमुखले नयाँ सरकार गठनका लागि आह्वान गरेका थिए ।
प्रदेश सभामा कुनै पनि दलको एकल बहुमत नभएकाले प्रदेश प्रमुखले संविधानको धारा १६८ को उपधारा २ बमोजिम सरकार गठन गर्न आह्वान गरेका छन् । अब दुई वा दुईभन्दा बढी दलले बहुमतीय सरकार गठनका लागि दाबी पेश गर्नुपर्नेछ ।
प्रदेश प्रमुखको कार्यालयका प्रवक्ता चण्डीप्रसाद अर्यालद्वारा जारी विज्ञप्तिमा लेखिएको छ, ‘प्रदेश प्रमुख पृथ्वीमान गुरुङले सरकार गठनका लागि गरेको आह्वानसँग सम्बन्धित सबैको जानकारीका लागि यो विज्ञप्ति जारी गरिएको हो ।
गण्डकी प्रदेशमा सरकार बनाउन दुई वा दुईभन्दा बढी दल मिलेर बहुमत ल्याउनु पर्ने हुन्छ । ६० सदस्यीय गण्डकी प्रदेशसभामा नेपाली कांग्रेसबाट २७, नेकपा एमालेका २२, नेकपा माओवादी केन्द्रबाट ८, राप्रपाबाट दुई र नेकपा (एकीकृत समाजवादी) मा आवद्ध एकजना प्रदेशसभा सदस्य छन् । स्वतन्त्र उम्मेदवारी दिएर विजयी भएपछि अहिले नेपाली कांग्रेस र माओवादी केन्द्र मिलेर सरकार बनाउने तयारीमा छन् । नेकपा (संयुक्त समाजवादी)का राजीव गुरुङले पनि नयाँ सरकारलाई समर्थन गर्ने बताइएको छ । त्यसो भयो भने सहजै सरकार बन्ने देखिन्छ ।
Published Date: 26 April 2023
