काठमाडौं, वैशाख १२ । प्रधानमन्त्री पुष्पकमल दाहालले नवप्रवर्तन क्षेत्रलाई सरकारले उच्च प्राथमिकता दिने प्रतिबद्धता व्यक्त गरेका छन् । आज प्रधानमन्त्री निवास बालुवाटारमा राष्ट्रिय आविष्कार केन्द्रका अध्यक्ष महावीर पुनसँगको भेटमा उनले विज्ञान तथा प्रविधिको विकासबाट मात्र मुलुकमा गुणस्तरीय विकासको प्रयास र समृद्धि सम्भव भएको बताए ।
वार्ताका क्रममा पुनले स्वदेशमै उत्पादित सवारी साधन सञ्चालन गर्न अनुमति दिन र नवप्रवर्तन क्षेत्रमा लगानी बढाउन प्रधानमन्त्रीको ध्यानाकर्षण गराए ।
नेपालमा उत्पादित सवारीसाधनको दर्ता र प्रवद्र्धनका लागि सरकारले कानुन बनाउन गरेको प्रयासको प्रशंसा गर्दै उनले छिट्टै कानून बनाउन प्रधानमन्त्रीलाई आग्रह गरे ।
जवाफमा प्रधानमन्त्री दाहालले पुनले उठाएका मुद्दा देशको हित र समृद्धिका लागि भएको बताउँदै नवप्रवर्तन क्षेत्रलाई प्रोत्साहन गर्न सरकार प्रतिबद्ध रहेको बताए । देशभित्र उत्पादन हुने सवारीसाधनको दर्ता र प्रवद्र्धनसम्बन्धी कानूनको मस्यौदा बनाउने प्रक्रिया अघि बढेको प्रधानमन्त्री ओलीले बताए ।
Published Date: 25 April 2023
