बारा, वैशाख ८ । बारा क्षेत्र नं २ मा यही वैशाख १० गते हुने उपनिर्वाचनलाई ध्यानमा राखेर बारा जिल्लाका नेपाल–भारत सीमा नाका आजदेखि ७२ घण्टाका लागि बन्द गरिएको छ ।
जिल्ला प्रशासन कार्यालय बाराले विज्ञप्ति जारी गर्दै आज मध्यरात १२ बजेदेखि आइतबार मध्यरातसम्म सीमा नाका बन्द रहने बाराका प्रमुख जिल्ला अधिकारी नवराज सापकोटाले जानकारी दिए ।
त्यसैगरी मतगणना सम्पन्न नभएसम्म जिल्लामा मदिरा बिक्री वितरणमा रोक लगाइएको छ ।
त्यसैगरी जिल्लाको हुलाकी राजमार्गमा शनिबार मध्यरातदेखि आइतबार साँझ ७ बजेसम्म अत्यावश्यक बाहेकका सवारी आवागमन बन्द गरिएको छ ।