काठमाडौं, वैशाख ७ । चित्तबुझ्दो काम नगर्ने १५ निर्माण कम्पनीलाई सरकारले कालोसूचीमा राखिएको छ ।
प्रधानमन्त्री तथा मन्त्रिपरिषद्को कार्यालय मातहतको सार्वजनिक खरिद अनुगमन कार्यालयले कालोसूचीमा परेका १५ निर्माण कम्पनीको विवरण सार्वजनिक गरेको छ ।
शैलेन्द्रकुमार कुरुम्बाङ नेतृत्वको एसएएस कन्स्ट्रक्सन प्रालि, विराटनगर तीन वर्षका लागि कालोसूचीमा परेको छ । हिलिहाङ गाउँपालिका पाँचथरले उक्त कम्पनीलाई कालोसूचीमा राख्न सिफारिस गरेको थियो ।
त्यसैगरी दीपक सापकोटा नेतृत्वको शंकर माली कन्स्ट्रक्सन सर्भिसेज प्रालि, गोकर्णप्रसाद पण्डितको नागार्जुन कन्स्ट्रक्सन प्रालि, राजुप्रसाद श्रेष्ठको वाईपी कन्स्ट्रक्सन प्रालि र रविनकुमार जोशीको राफिना कन्स्ट्रक्सन प्रालिलाई एक वर्ष र तीन वर्षका लागि कालोसूचीमा राखिएको छ । महिना।
अन्य कम्पनीलाई एक वर्षका लागि कालोसूचीमा राखिएको छ । कालोसूचीको अवधिमा यी कम्पनीहरूले कुनै पनि सार्वजनिक खरिद प्रक्रियामा भाग लिन पाउने छैनन्।
