काठमाडौं, वैशाख ६ । सरकारले आजदेखि बालबालिकाका लागि राष्ट्रिय भिटामिन ‘ए’ अभियान सञ्चालन गर्दैछ । स्वास्थ्य तथा जनसंख्या मन्त्रालयले भिटामिन ‘ए’ र जुकाको औषधि उपलब्ध गराउन राष्ट्रिय भिटामिन ‘ए’ अभियान सञ्चालन गर्न लागेको स्वास्थ्य सेवा विभागको परिवार कल्याण महाशाखाका निर्देशक डा विवेककुमार लालले जानकारी दिए । उ
नले आज र भोलि देशभरका बालबालिकालाई नजिकैका महिला सामुदायिक स्वास्थ्य स्वयंसेविकामार्फत बालबालिकालाई भिटामिन ‘ए’ र जुकाको औषधि खुवाउन अभिभावकलाई आग्रह गरे ।
६ महिनादेखि ५९ महिनासम्मका बालबालिकालाई भिटामिन ‘ए’ क्याप्सुल र १ वर्षदेखि ५ वर्षसम्मका बालबालिकालाई जुकाको औषधि खुवाइने छ । विभागले राष्ट्रिय अभियानलाई सफल बनाउन प्रदेश र स्थानीय तहलाई परिपत्र जारी गरेको छ ।
करिब २७ लाख बालबालिकालाई भिटामिन ‘ए’ र २४ लाख बालबालिकालाई जुकाको औषधि खुवाइने निर्देशक लालले बताए । बालबालिकामा हुने स्वास्थ्य जटिलता र कुपोषणको जोखिम न्यूनीकरण गर्न सरकारले २०५० देखि भिटामिन ‘ए’ क्याप्सुल र २०५६ देखि कुष्ठरोगको औषधि खुवाउन थालेको हो ।
सरकारले बालबालिकालाई भिटामिन ‘ए’ र जुकाको औषधि निःशुल्क दिँदै आएको छ ।
