काठमाडौँ, चैत २२ । विश्व बैंकले नेपालको आर्थिक वृद्धि ४.१ प्रतिशत हुने प्रक्षेपण सार्वजनिक गरेको छ। एसियाली विकास बैंकले पनि चालु वर्षको नेपालको वृद्धि दर सोही दरमा हुने प्रक्षेपण गरेको थियो ।
आयात प्रतिबन्ध, मौद्रिक नीतिमा कडाइ, उच्च मुद्रास्फीति र सरकारी खर्चमा आएको कमीले राजस्व संकलन प्रभावित भएका कारण यस वर्ष नेपालको वृद्धिदर अघिल्लो अनुमानभन्दा सुस्त हुने विश्व बैंकले जनाएको छ ।
मंगलबार पछिल्लो नेपाल विकास अपडेट सार्वजनिक गर्दै बैंकले उथलपुथल वातावरणमा फाइन ट्युनिङ नीतिले नेपालको अर्थतन्त्र यो वर्ष ४.१ प्रतिशतले वृद्धि हुने प्रक्षेपण गरेको हो। यो गत अक्टोबर २०२२ को प्रक्षेपणको तुलनामा तलको परिमार्जन हो। पर्यटनको पुनःस्थापना, रेमिट्यान्समा भएको वृद्धि र मौद्रिक नीतिको क्रमिक सहजताले आगामी आर्थिक वर्ष २०२४ मा वृद्धि ४.९ प्रतिशतमा पुग्ने गरिएको छ।
