काठमाडौं, चैत २१ । धनुषा प्रहरीले अनलाइन ठगी गरेको आरोपमा २३ जनालाई पक्राउ गरेको छ ।
जिल्ला प्रहरी कार्यालय धनुषाको टोलीले सोमबार साँझ जनकपुरधाम चोकस्थित बर्गर हाउसको परिसरबाट उनीहरुलाई पक्राउ गरेको हो । अनलाइन ठगीमा संलग्न भएको सूचनाका आधारमा उनीहरुलाई पक्राउ गरिएको धनुषा प्रहरी कार्यालयका प्रहरी नायब उपरीक्षक वेदप्रसाद गौतमले जानकारी दिए । उनीहरु चोकमा भाडाको फ्ल्याटबाट सञ्चालन गरेको प्रहरीले जनाएको छ ।
डिएसपी गौतमले विभिन्न एप्समार्फत ठगी गर्ने काममा संलग्न रहेको बताए । उनीहरुलाई पक्राउ गरेपछि १४ पुरुष र ९ महिलालाई हिरासतमा लिइएको थियो । यस विषयमा थप अनुसन्धान भइरहेको र समयमै थप विवरण आउने गौतमले बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
