काठमाडौं, चैत २१ । राष्ट्रिय स्वतन्त्र पार्टीका अध्यक्ष रवि लामिछानेले आफ्नो पार्टीलाई ५ वर्षपछि एकदलीय सरकार बनाउनबाट कसैले रोक्न नसक्ने दाबी गरेका छन् ।
चितवन क्षेत्र नं २ मा आगामी वैशाख १२ गते हुने उपनिर्वाचनका उम्मेदवार समेत रहेका लामिछानेले आफूमाथि जतिसुकै मुद्दा दायर गरेपनि फरक नपर्ने दाबी गरे ।
गत निर्वाचनमा आफ्नो पार्टी गठन भएको ६ महिनामा २० सिट जितेको उल्लेख गर्दै उनले भने, ‘पाँच वर्षमा दुई तिहाइ जित्न सक्छ।’
उनले उपनिर्वाचन हुने तीनवटै निर्वाचन क्षेत्रमा आफ्नो पार्टीले जित्ने दाबी गरे ।
उनले आफ्नो पार्टी सरकारमा जाने प्रश्नको पनि जवाफ दिए । उनले सरकारमा रहँदा पनि दाहाल, ओली र देउवाको सेवा नगरेर जनताका लागि काम गरेको बताए । ३२ दिन सरकारमा रहँदा आफ्नो काम देखाउन खोजेको भन्दै उनले भने, ‘मैले १०० दिन सेवा गरेको भए कति भ्रष्टाचारी जेल जान्थे होलान् ।
Published Date: 04 April 2023
