भक्तपुर, चैत १९ । भक्तपुरमा बागमती प्रदेश खेलकुद–२०७९ खेलाडी छनौट सुरु भएको छ । भक्तपुरको महेश्वरी खेल मैदानमा शनिबार आयोजित एक समारोहबीच उक्त खेलाडी छनौट कार्यक्रम सुरू भएको हो ।
कार्यक्रमको प्रमुख आतिथ्यता ग्रहण गरेका पूर्वप्रधानमन्त्री एवं नेकपा समाजवादीका अध्यक्ष माधवकुमार नेपालले सो समारोह उद्घाटन गरेका थिए। अध्यक्ष नेपालले शिक्षा जस्तै खेलकुद पनि मानवीय जीवनमा अत्यावश्यक रहेको बताए ।
खेलकुदको विकासले विश्वमा देशको नाम उच्च राख्न सकिनेछ ।’ खेलकुद मानवीय जीवनको अंग हो, मानवीय जीवनमा शिक्षा जति आवश्यक छ, खेलकुद पनि उत्तिकै आवश्यक छ, “उनले भने।
उक्त प्रतियोगिता यही चैत २५ गतेसम्म सञ्चालन हुने भक्तपुर जिल्ला खेलकुद विकास समितिका अध्यक्ष दीपक थापाले बताए । प्रतियागिताबाट कराते, तेक्वाण्डो, एथलेष्टिक, बक्सिङ्, आईटी.एफ तेक्वाण्डो, उसु, जुडो, फुटबल, क्रिकेट, भलिबल, व्याडमिन्टन, पौडीलगायतका खेलका उत्कृष्ट खेलाडी छनौट गरिने जनाइएको छ।
