काठमाडौं, चैत १९ । नेकपा एमालेले मुलुकको वर्तमान आर्थिक संकट समाधानका लागि तत्काल पहल गर्न सरकारको ध्यानाकर्षण गराएको छ ।
आज बसेको पार्टीको सचिवालय बैठकले मुलुकको वर्तमान आर्थिक अवस्था र ब्याजदरबाट पीडित नागरिकका समस्याका बारेमा छलफल गरी ती समस्या समाधानका लागि तत्काल पहल गर्न सरकारको ध्यानाकर्षण गराउने निर्णय गरेको एमाले सचिवालयले जारी गरेको विज्ञप्तिमा उल्लेख छ ।
बैठकले तरलता संकट समाधानका लागि ठोस पहल गर्न र बैंक, वित्तीय संस्था र लघुवित्तको ब्याजदर घटाएर तोकिएको सीमाभित्र राख्न सरकारसँग माग गरेको छ ।
व्यापार घाटा निरन्तर बढ्दै गएको र राष्ट्रिय उत्पादन निरन्तर घट्दै गएकाले मुलुकको अर्थतन्त्र सबै क्षेत्रमा समस्याग्रस्त बन्दै गएको पार्टीको निष्कर्ष छ ।
Published Date: 02 April 2023
