काठमाडौं, चैत १७ । प्रधानमन्त्री थ्री नेसन्स कप फुटबलको प्रतियोगिताको उपाधिका लागि घरेलु टोली नेपाल र लाओस प्रतिस्पर्धा गर्दै छन्। त्रिपुरेश्वरस्थित दशरथ रंगशालामा आज साँझ ५:३० मा फाइनल प्रतिस्पर्धा हुनेछ।
नेपालले पहिलो खेलमा लाओसलाई २- १ ले हराएको थियो भने दोस्रो खलमा भुटानसँग १ -१ गोलको बराबरी खेलेको थियो । लाओसले पनि भुटानलाई दोस्रो खेलमा २- १ ले हराँउदा पहिलो खेलमा नेपालसँग समान २ – १ गोल अन्तरमा पराजित भएको थियो ।
नेपाल उपाधि आफैसँग राख्ने योजनाकासाथ मैदान प्रवेशगर्ने छ ,भने पाहुना टोली लाओस इतिहास रच्दै उपाधि आफ्नो पोल्टामा पार्ने लक्ष्यमा छ ।
लाओसविरुद्ध मिडफिल्डर पुजन उपरकोटी र फरवार्ड अन्जन विष्ट टोलीमा हुनेछैनन् । यसको प्रभाव टोलीमा पर्नेछ । तर, नेपालसँग दीपक राज सिंह ठकुरी, एरिक विष्ट, नवयुग श्रेष्ठ, भरत खवास, आयुष घलान, रोहित चन्द ठकुरी, विकास खवास, मणि कुमार लामा, कमल थापा र कप्तान तथा गोलरक्षक किरण चेम्जोङ टोलीमा रहेका छन् ।
Published Date: 31 March 2023
