काठमाडौं, चैत १५ । सेतो मच्छिन्द्रनाथको रथयात्रा आजदेखि सुरु हुँदैछ । आज अपराह्न ४ बजे मच्छिन्द्र बहलदेखि तिधारा पाठशालासम्म जात्रा निस्कनेछ ।
रथयात्रा साँझ ५ बजेदेखि साढे ६ बजेसम्म जमल, रत्नपार्क हुँदै आसन हुँदै भोटाहिटी पुग्नेछ ।
त्यसपछि चैत १६ गते असनबाट बालकुमारी, केलटोल, इन्द्रचोक, माखन र हनुमानढोकासम्म साँझ ५ बजेदेखि साढे ६ बजेसम्म रथ तान्नेछ ।
भोलिपल्ट साँझ ४ बजेदेखि साढे ६ बजेसम्म हनुमानढोका, चिङ्कमुगल, जैशीदेवल, ज्याबहालसम्म रथयात्रा गरी पर्व सुरु हुनेछ ।
यसैगरी, चैत १८ गते लगन आमा रुख परिक्रमा, चैत १९ गते लगन, ज्याबहाल, द्यः लं, यूतुननी, कोहिति भीमसेन थान, मरु, यतखा, नरदेवी, किलागल, भेडासिङ, केलटोल हुँदै मच्छिन्द्रबहालसम्म पुर्याइन्छ ।
पानी, सहकाल र दीर्घजीवनको कामना गर्दै सेतो मच्छिन्द्रनाथको रथयात्रा निकाल्ने गरिन्छ । मल्लकालीन राजा यज्ञ मल्लको पालाबाट यो जात्रा सुरु भएको मानिन्छ ।
