प्रतिनिधिसभाको बैठक आज दिउँसो १ बजे बस्दै

काठमाडौं, चैत १५ । प्रतिनिधिसभाको बैठक आज दिउँसो १ बजे संघीय संसद भवनमा बस्दैछ ।

संसद सचिवालयले जारी गरेको आजको बैठकको कार्यसूचीमा प्रधानमन्त्री पुष्पकमल दाहालले अख्तियार दुरुपयोग अनुसन्धान आयोगको आर्थिक वर्ष २०७८/०७९ को वार्षिक प्रतिवेदन पेस गर्नेछन् ।

त्यस्तै संस्कृति, पर्यटन तथा नागरिक उड्डयनमन्त्री सुदन किरातीले अभिलेख संरक्षण (पहिलो संशोधन) विधेयक, २०७७ संसदमा पेस गर्ने कार्यक्रम छ ।