काठमाडौं, चैत १२ । कर्णाली र सुदूरपश्चिम (सुदूरपश्चिम) प्रदेशका पहाडी भूभागमा आज दिउँसो आंशिकदेखि सामान्य बदली रहनेछ । देशमा स्थानीय वायुसँगै पश्चिमी वायुको सामान्य प्रभावका कारण यस्तो भएको जल तथा मौसम पूर्वानुमान महाशाखाले जनाएको छ ।
साथै गण्डकी, कर्णाली र सुदूरपश्चिम प्रदेशका पहाडी भू–भागका थोरै स्थानहरुमा र बाँकी पहाडी भू–भागका एक–दुई स्थानमा मेघ गर्जनसहित हल्का वर्षाको सम्भावना रहेको छ ।
आज राति कोशी र गण्डकी प्रदेशका पहाडी भू–भागका एक–दुई स्थानमा मेघ गर्जनसहित हल्का वर्षाको सम्भावना रहेको छ । सोमबार पनि कोशी, वाग्मती र गण्डकी प्रदेशका पहाडी भेगमा हल्का वर्षाको सम्भावना रहेको छ ।
Published Date: 26 March 2023
